പുഴ.കോം – നവസംസ്കൃതിയുടെ ജലസമൃദ്ധി

    സ്യൂറിക്കിൽ നിന്ന് ഏകദേശം ഒന്നര മണിക്കൂർ നേരത്തെ വിമാനയാത്രയുണ്ട് പോളണ്ടിന്റെ തലസ്ഥാനമായ വാഴ്സായിലേക്ക്. ബാൾട്ടിക്ക് എയറിന്റെ വിമാനത്തിൽ കയറാൻ വേണ്ടി ഗേറ്റിലെ വരിയിൽ നിൽക്കുമ്പോൾ അടുത്തുനിന്ന ഒരു ചേച്ചി ഭയങ്കരമായി ചുമ തുടങ്ങി. കോവിഡ് ബാധിതരുടെ എണ്ണം എല്ലായിടത്തും കൂടുന്നുണ്ട്; അവസാനം ഞാന്‍ വാക്സിൻ ഷോട്ട് എടുത്തത് ഒരു വർഷം മുമ്പാണ്; എങ്ങാനും കോവിഡ് പിടിച്ചാൽ ഞായറാഴ്ചത്തെ മാരത്തോൺ കുളമാകും. അതുകൊണ്ട് വിമാനത്തിലേക്ക് ഞാന്‍ കയറിയത് ഒരു മാസ്ക് ധരിച്ചു കൊണ്ടാണ്. വിമാനത്തിന്റെയു...